ಕುಕ್ಕೆ ಶ್ರೀ ಸುಬ್ರಮಣ್ಯ ದೇವಸ್ಥಾನ

ಸಾವಂತರಕಲ್ಪದಲ್ಲಿ ಕದ್ರುವಿನತೆಯರೆಂಬ ಸ್ತ್ರೀಯರುಗಳಿಗೆ ಒಂದು ಕುದುರೆಯ ಬಣ್ಣದಲ್ಲಿ ಜಗಳ ಹುಟ್ಟಿತು. ಕದ್ರುವು ಕರಿ ಕುದುರೆಯೆಂದೂ, ಜಗಳವಾಡುತ್ತಾ, ಸೋತವರು ಗೆದ್ದವರಿಗೆ ದಾಸಿಯಾಗಿರಬೇಕೆಂದು ಭಾಷೆಯನ್ನಿಟ್ಟು ಕೊಂಡು ಮನೆಗೆ ಹೋದರು. ಕದ್ರುವು ನೀವು ಕುದುರೆಯನ್ನು ಕಡಿದು ವಿಷದಿಂದ ಕಪ್ಪಗೆ ಮಾಡಿರಿ ಎಂದು ತನ್ನ ಮಕ್ಕಳಾದ ಸರ್ಪಗಳಿಗೆ ತಿಳಿಸಿದಳು. ಅವು ಒಪ್ಪದಿರಲು, ಅತಿ ಕೋಪದಿಂದ ನಿಮ್ಮ ಕುಲವು ನಾಶವಾಗಲಿ ಎಂದು ಶಪಿಸಿದಳು . ಜನಮೇಜಯನ ಯಜ್ಞದಲ್ಲಿ ಕೆಲವು ಗರುಡನಿಂದ ಕೆಲವು ಸರ್ಪಗಳು ನಷ್ಟವಾಗಲು, ಭಯದಿಂದ ಕೆಲವು ಹುತ್ತಗಳಲ್ಲಿಯೂ, ದೊಗರುಗಳಲ್ಲಿಯೂ, ಪಾತಾಳದಲ್ಲಿಯೂ, ಅಡಗಿಕೊಂಡಿದ್ದು ಜೀವಿಸುತ್ತಿದ್ದವು. ಒಂದು ದಿನ ಗರುಡನು ಸರ್ಪಗಳನ್ನು ಹುಡುಕುತ್ತಾ ಬರುತ್ತಿರಲು, ಮಹಾ ಬಿಲದಲ್ಲಿ ವಾಸಮಾಡಿಕೊಂಡಿರುವ ವಾಸುಕಿಯನ್ನು ನೋಡಿ ಹಾರಿ ಬಂದು ಕೊಕ್ಕಿನಿಂದ ಕುಕ್ಕಿ ರೆಕ್ಕೆಯಿಂದ ಹೊಡೆದು, ಉಗುರಿನಿಂದ ಸೀಳಲು ಪ್ರಯತ್ನ ಮಾಡದಾಗಲೂ ಆ ಸರ್ಪರಾಜನ ಮಹಿಮೆಯಿಂದಲೂ, ವಿಷಜ್ವಾಲೆಯಿಂದಲೂ ಫನಾಫಣಿಗಳ ಕಾಂತಿಯಿಂದಲೂ ದಿಕ್ಕು ತೋಚದಂತಾಯಿತು. ಇವರಿಬ್ಬರೂ ಒಬ್ಬರನ್ನೊಬ್ಬರು ಗೆಲ್ಲಬೇಕೆಂದು ಹೋರಾಡುತ್ತಿರಲು ಕಶ್ಯಪರು ಬಂದು ಗರುಡನನ್ನು ಕುರಿತು ವತ್ಸಾ ವಾಸುಕಿಯನ್ನು ಬಿಡು, ಶಿವಭಕ್ತನಾದ ವಾಸುಕಿಯಲ್ಲಿ ನಿನ್ನ ಚೆಲ್ಲಾಟಗಳು ನಡೆಯಲಾರರು. ಎಂದು ತಿಳಿಸಲು ಗರುಡನು ಭೀತಿಯಿಂದ ಕಶ್ಯಪರು ವಂದಿಸಿ, ಸ್ವಾಮಿ ನಾನು ಹಸಿವಿನಿಂದ ಬಳಲಿದ್ದೇನೆ ಏನು ಮಾಡಲಿ ಎಂದು ಕೇಳಲು, ಗರುಡನೇ ನೀನು ರಮಣಕ ದ್ವೀಪಕ್ಕೆ ಹೋಗಿ ಬಹು ದುಷ್ಟರಾದ ಕಿರಾತರನ್ನೂ, ಸರ್ಪಗಳನ್ನೂ ಭಕ್ಷಿಸದ ಕಿರಾತರ ಮದ್ಯದಲ್ಲಿ ಒಬ್ಬ ಬ್ರಾಹ್ಮಣಾಧಮನು ಕಿರಾತೆಯ ಪ್ರೇಮದಿಂದ ವಾಸ ಮಾಡಿದ್ದಾನೆ. ಯಾರನ್ನು ತಿನ್ನುವಾಗ ನಿನ್ನ ಗಂಟಲು ಸುಡುವುದೋ ಅವನೇ ಬ್ರಾಹ್ಮಣನೆಂದು ತಿಳಿದು ಅವನನ್ನು ಉಗುಳಿ ಬಿಡು. ನಡೆ ನಿಲ್ಲಬೇಡ ಎಂದು ಹೇಳಿ ಕಳಿಸಿ ಕರುಣೆಯಿಂದ ವಾಸುಕಿಯನ್ನು ಮೈದಡವಿ ವತ್ಸ ವಾಸುಕಿ ನೀನು ಸಹ್ಯಾದ್ರಿಯ ಪುಣ್ಯಾಶ್ರಮಗಳಲ್ಲಿ ಪ್ರಸಿದ್ದವಾದ ಕುಮಾರ ಕ್ಷೇತ್ರಕ್ಕೆ ಹೋಗಿ ಭಕ್ತಿಯಿಂದ ಪರಮೇಶ್ವರನನ್ನು ಆರಾಧಿಸಿ ಕೃತಾರ್ಥನಾಗು . ಇನ್ನು ಮೇಲೆ ನಿನಗೆ ಗರುಡನ ಭಯವಿಲ್ಲ . ಪರಮೇಶ್ವರನ ಅನುಗ್ರಹದಿಂದ ಲೋಕಪೂಜ್ಯನಾಗು ಎಂದು ಹರಸಿ ಕಳುಹಿಸಿದರು. ವಾಸುಕಿಯು ಕಶ್ಯಪರಿಗೆ ನಮಸ್ಕರಿಸಿ , ಸಕುಟುಂಬಿಕರಾಗಿ ಕುಮಾರ ಕ್ಷೇತ್ರಕ್ಕೆ ಬಂದು ಶೈವ ವ್ರತವನ್ನು ಕೈ ಗೊಂಡು ಜಿತಕ್ರೋಧನಾಗಿ, ಜಿತೇಂದ್ರಿಯನಾಗಿ, ತ್ರಿಕಾಲದಲ್ಲಿಯೂ ಪರಮೇಶ್ವರನನ್ನು ಆರಾಧಿಸುತ್ತಾ, ಆಹಾರ ನಿದ್ರೆಗಳನ್ನು ತೊರೆದು ತಪಸ್ಸು ಮಾಡುತ್ತಿದ್ದನು .ಅದಕ್ಕೆ ಪ್ರಸನ್ನನಾದ ಪರಮೇಶ್ವರನು ನೀನು ಲೋಕಶಿಕ್ಷಣಾರ್ಥವಾಗಿ ತಪಸ್ಸನ್ನು ಮಾಡಿದೆ. ಮುಂದಿನ ಕಲ್ಪದಲ್ಲಿ ಕುಮಾರನಾದ ಷಣ್ಮುಖನು ತಾರಕಾದಿ ರಾಕ್ಷಸರನ್ನು ಸಂಹರಿಸಿ ಈ ಕ್ಷೇತ್ರಕ್ಕೆ ಬರುತ್ತಾನೆ. ಆಗ ಮಹೇಂದ್ರನು ತನ್ನ ಮಗಳಾದ ದೇವಾಸೇನೆಯನ್ನು ಕೊಟ್ಟು ಈ ಕ್ಷೇತ್ರದಲ್ಲಿ ಕಲ್ಯಾಣೋತ್ಸವವನ್ನು ಮಾಡಿಸುತ್ತಾನೆ. ಆಗ ನೀನು ಷಣ್ಮುಖನಿಂದ ಅನುಗ್ರಹಿತನಾದ ಈ ಕ್ಷೇತ್ರದಲ್ಲಿ ಅವನ ಕಲಶದಿಂದ ಕೂಡಿದವನಾಗಿ ಲೋಕಪೂಜ್ಯನಾಗುತ್ತಿ . ಯಾರು ನಿನ್ನ ನಾಮಸ್ಮರಣೆ ಮಾಡುವರೋ ಅವರಿಗೆ ಸಾಕಲಾಭೀಷ್ಟಗಳೂ ಸಿದ್ಧಿಸಲಿ. ಸುರನರೋರಗ ಸಿದ್ಧ ಚರಣಾದಿಗಳೆಲ್ಲರೂ ನಿನ್ನನ್ನು ನೆನಸಲಿ . ನಿನ್ನ ನಿವಾಸದಿಂದ ಪವಿತ್ರವಾದ ಈ ಕ್ಷೇತ್ರವು ನಿಖಿಲ ಸಿದ್ಧಿಗಳನ್ನೂ ಶೀಘ್ರದಲ್ಲಿಯೇ ಪ್ರಧಾನ ಮಾಡುವುದು. ನಿನಗೆ ಯಾವಾಗಲೂ ಗರುಡನಿಂದ ಭೀತಿ ಉಂಟಾಗಲಾರವು. ನನ್ನ ಪಾದಾಬ್ಜದಲ್ಲಿ ದೃಢವಾದ ಭಕ್ತಿಯಿರಲಿ. ಸಕುಟುಂಬಿಕನಾಗಿ ಸಕಲ ಕಲ್ಯಾಣಗಳನ್ನನುಭವಿಸುತ್ತಾ ಈ ಕ್ಷೇತ್ರದಲ್ಲಿ ವಾಸಮಾಡು. ಎಂದು ನಿರೂಪಿಸಿ ಅಂತರ್ಧಾನವನ್ನು ಹೊಂದಿದನು. ಸರ್ಪರಾಜನಾದ ವಾಸುಕಿಯು ಪರಮಾನಂದದಿಂದ ಸತಿಸುತ ಸಮೇತನಾಗಿ ಮೂಲ ಸುಬ್ರಹ್ಮಣ್ಯವೆಂಬ ಸ್ಥಳದಲ್ಲಿ ವಾಸ ಮಾಡುತ್ತಿದ್ದನು.

ಕ್ರ.ಸಂ.	ಬ್ಯಾಂಕ್ ಹೆಸರು	ಖಾತೆ ಸಂಖ್ಯೆ	ಬ್ಯಾಂಕ್ ವಿಳಾಸ	ಶಾಖೆ	IFSC ಕೋಡ್
1	ಇಂಡಿಯನ್ ಓವರ್ ಸೀಸ್ ಬ್ಯಾಂಕ್	018501000010001	ಸುಬ್ರಮಣ್ಯ	ಸುಬ್ರಮಣ್ಯ	IOBA0000185
2	ವಿಜಯಾ ಬ್ಯಾಂಕ್	140901010000001	ರಥಬೀದಿ, ಸುಬ್ರಮಣ್ಯ	ಸುಬ್ರಮಣ್ಯ	VIJB0001409
3	ಸಿಂಡಿಕೇಟ್ ಬ್ಯಾಂಕ್	02572160000012	ಮುಖ್ಯ ರಸ್ತೆ, ಸುಬ್ರಮಣ್ಯ	ಸುಬ್ರಮಣ್ಯ	SYNB0000257
4	ಕಾರ್ಪೊರೇಷನ್ ಬ್ಯಾಂಕ್	520101008956967	ಕಾಶಿಕಟ್ಟೆ, ಸುಬ್ರಮಣ್ಯ	ಸುಬ್ರಮಣ್ಯ	CORP0001833
5	ಸ್ಟೇಟ್ ಬ್ಯಾಂಕ್ ಆಫ್ ಮೈಸೂರ್	64129653506	ರಥಬೀದಿ,ಸುಬ್ರಮಣ್ಯ	ಸುಬ್ರಮಣ್ಯ	SBIN0040951